LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان سٹاک مارکیٹ میں کاروبار کے آغاز پر مثبت رجحان اسلام آباد پولیس کی SWAT فورس کو 20 نئی گاڑیاں فراہم کر دی گئیں پاکستان اور مالدیپ کے درمیان بحری تجارت اور تعاون بڑھانے پر اتفاق خیبر پختونخوا میں امن و استحکام برقرار رکھنے کے لیے پُرعزم ہیں: فیلڈ مارشل مدارس و جدید تعلیمی نظام میں ہم آہنگی وقت کی اہم ضرورت ہے: احسن اقبال خیبر پختونخوا میں امن و استحکام برقرار رکھنے کے لیے پُرعزم ہیں: فیلڈ مارشل مدارس و جدید تعلیمی نظام میں ہم آہنگی وقت کی اہم ضرورت ہے: احسن اقبال پاکستان اور مالدیپ کے درمیان بحری تجارت اور تعاون بڑھانے پر اتفاق اسلام آباد پولیس کی SWAT فورس کو 20 نئی گاڑیاں فراہم کر دی گئیں سعودیہ نے ریاض کے بلند ترین ٹاور متاثر ہونے کی تصدیق کردی سلامتی کونسل کالعدم بی ایل اے اور مجید بریگیڈ پر پابندیاں لگائے: چین افغانستان میں دہشتگرد گروہوں سے رکن ممالک کو خطرہ ہے: سربراہ سلامتی کونسل دبئی رن 2026ء کیلئے اہم سہولت، شرکا کی گاڑیوں کیلئے 15 ہزار پارکنگ مقامات مختص دبئی میں عالمی ٹیکنالوجی نمائش جیٹیکس گلوبل 7 دسمبر سے شروع ہوگی شنگھائی تعاون تنظیم کا اجلاس، وفاقی وزیر مصدق ملک بھارت پہنچ گئے

پنجاب حکومت کی سپریم کورٹ کے 3 اہم فیصلوں کیخلاف نظرثانی درخواستیں دائر

Web Desk

29 January 2026

لاہور: پنجاب حکومت نے جنسی زیادتی، قتل اور فوجداری مقدمات سے متعلق سپریم کورٹ کے تین فیصلوں کے خلاف نظرثانی درخواستیں دائر کر دی ہیں۔ یہ درخواستیں ایڈیشنل پراسیکیوٹر جنرل پنجاب احمد رضا گیلانی کے ذریعے سپریم کورٹ میں جمع کرائی گئی ہیں۔

پہلی نظرثانی درخواست اس فیصلے کے خلاف دائر کی گئی ہے جس میں خاتون کے ساتھ جنسی زیادتی کے واقعے کو زنا بالرضا قرار دیا گیا تھا۔ درخواست میں مؤقف اختیار کیا گیا ہے کہ یہ فیصلہ درست نہیں اور اس سے متاثرہ خاتون اور اس کے اہلِ خانہ پر زندگی بھر کے لیے بدنامی کا داغ لگ گیا ہے۔

درخواست میں کہا گیا ہے کہ عدالتیں عموماً متاثرہ خواتین کے خلاف آبزرویشن دینے سے گریز کرتی ہیں تاکہ ان کی عزت و وقار متاثر نہ ہو، تاہم اس فیصلے میں اس اصول کو نظر انداز کیا گیا۔ مزید کہا گیا کہ ملزم کے مکروہ فعل سے پیدا ہونے والے بچے کے قانونی اور سماجی کردار پر بھی عدالت خاطر خواہ غور نہیں کر سکی۔

دوسری نظرثانی درخواست 16 افراد کو قتل کرنے والے ملزم کی سزاؤں کو ایک ساتھ شمار کرنے کے فیصلے کے خلاف دائر کی گئی ہے۔ درخواست میں مؤقف اپنایا گیا ہے کہ سزاؤں کو الگ الگ کاٹنے یا ایک ساتھ شمار کرنے کا فیصلہ مقدمے کے مخصوص حقائق اور حالات کے تناظر میں نظرثانی کا متقاضی ہے۔

فریقین کے بیانات کے مطابق اس مقدمے میں دو خاندانوں کے مجموعی طور پر 21 افراد قتل ہوئے، جس کے باعث یہ معاملہ انسداد دہشت گردی کے قانون کے دائرہ اختیار میں آتا ہے۔ پنجاب پراسیکیوشن کا کہنا ہے کہ عدالت کو یہ طے کرنا چاہیے کہ سزا ایک ساتھ ہوگی یا الگ الگ، اگرچہ سپریم کورٹ اپنے فیصلے میں کہہ چکی ہے کہ عدالت کیس کے حقائق کے مطابق فیصلہ کرے۔

تیسری نظرثانی درخواست اس فیصلے کے خلاف دائر کی گئی ہے جس میں دیگر ملزمان کے ساتھ ایک مفرور ملزم کو بھی بری کر دیا گیا تھا۔

پنجاب حکومت اس سے قبل بھی 2015 میں 11 سال بعد ڈی این اے ٹیسٹ کو بطور شہادت قبول نہ کرنے کے فیصلے کے خلاف نظرثانی درخواست دائر کر چکی ہے۔ موجودہ درخواستوں میں مؤقف اختیار کیا گیا ہے کہ انسداد دہشت گردی کی تعریف اور سزا سے متعلق سپریم کورٹ کے فیصلے کے پیراگراف نمبر 16 اور 17 پر دوبارہ غور کیا جائے تاکہ انصاف کے تقاضے پورے ہو سکیں۔