سانحہ گل پلازہ: ایم کیو ایم پاکستان نے سندھ حکومت کی رپورٹ مسترد کردی
Web Desk
28 January 2026
ایم کیو ایم پاکستان کے ترجمان نے سانحہ گل پلازہ سے متعلق سندھ حکومت کی جانب سے پیش کی گئی انکوائری رپورٹ کو یکسر مسترد کر دیا ہے۔
ترجمان ایم کیو ایم کا کہنا تھا کہ اتنے بڑے سانحے کا ذمہ دار کسی معصوم بچے کو قرار دینا مضحکہ خیز اور ناقابلِ قبول ہے۔ انہوں نے سوال اٹھایا کہ سندھ حکومت یہ واضح کرے کہ جس بچے کو سانحے کا ذمہ دار ٹھہرایا گیا ہے، وہ زندہ ہے یا حکومتی نااہلی کی بھینٹ چڑھ چکا ہے۔
ترجمان کے مطابق سندھ حکومت اپنی بدترین نااہلی اور کرپشن کو ایک معصوم کے پیچھے چھپانے کی کوشش کر رہی ہے۔ انہوں نے کہا کہ اگر بچے کو آگ لگنے کا ذمہ دار قرار دیا جا رہا ہے تو حکومت یہ بتائے کہ تین دن تک آگ پر قابو کیوں نہیں پایا جا سکا۔
ایم کیو ایم ترجمان نے کہا کہ کراچی کی بدولت اربوں روپے کے بجٹ رکھنے والی سندھ حکومت کا کوئی ایک ادارہ بھی اس قابل نہیں تھا کہ آگ کو بروقت بجھا سکتا۔ ان کے مطابق سانحہ گل پلازہ میں بدترین پیشہ ورانہ اور مجرمانہ غفلت کے باعث اموات میں اضافے کی ذمہ دار صرف سندھ حکومت ہے۔
ترجمان نے مزید کہا کہ سندھ حکومت اس سانحے میں ملزم بھی ہے، مدعی بھی، محقق بھی اور منصف بھی۔ انہوں نے مطالبہ کیا کہ وفاقی حکومت پاکستان کمیشن آف انکوائری ایکٹ کے کلاز 3 کے تحت اعلیٰ سطحی تحقیقاتی کمیشن تشکیل دے۔
متعلقہ عنوانات
پنجاب کے ہر ضلع میں کیتھ لیب، چلڈرن ہسپتال قائم کرنا چاہتے ہیں: مریم نواز
20 November 2026
معاشی ترقی کی باگ ڈور نجی شعبے کو دینا ہوگی: مشیر نجکاری محمد علی
20 November 2026
کراچی: لانڈھی میں گھر کے اندر فائرنگ، خاتون سمیت 3 افراد جاں بحق
20 November 2026
پاکستان سٹاک مارکیٹ میں کاروبار کے آغاز پر مثبت رجحان
20 November 2026
اسلام آباد پولیس کی SWAT فورس کو 20 نئی گاڑیاں فراہم کر دی گئیں
20 November 2026
پاکستان اور مالدیپ کے درمیان بحری تجارت اور تعاون بڑھانے پر اتفاق
20 November 2026
خیبر پختونخوا میں امن و استحکام برقرار رکھنے کے لیے پُرعزم ہیں: فیلڈ مارشل
20 November 2026
مدارس و جدید تعلیمی نظام میں ہم آہنگی وقت کی اہم ضرورت ہے: احسن اقبال
20 November 2026