متحدہ عرب امارات کی میزبانی میں امریکا، روس اور یوکرین کے درمیان سہ فریقی مذاکرات

متحدہ عرب امارات کی میزبانی میں امریکا، روس اور یوکرین کے نمائندوں کے درمیان ابوظبی میں سہ فریقی مذاکرات ہوئے۔ عالمی ذرائع کے مطابق اس سہ فریقی بات چیت کو موجودہ عالمی حالات میں ہائی پروفائل سفارتی پیش رفت کے طور پر دیکھا جا رہا ہے۔

مذاکرات کا مقصد یوکرین میں جاری کشیدگی کو کم کرنا اور سیاسی حل کی راہیں تلاش کرنا ہے۔ رپورٹ کے مطابق تینوں ممالک کے نمائندوں نے یوکرین جنگ سے جڑے اہم سیاسی اور انسانی پہلوؤں پر تفصیلی تبادلہ خیال کیا۔

متحدہ عرب امارات نے اس بات چیت میں غیر جانبدار اور قابل اعتماد ثالث کے طور پر کلیدی کردار ادا کیا اور فریقین کو بات چیت کی میز پر لانے میں سہولت فراہم کی۔