سکیورٹی کی آڑ میں مقبوضہ کشمیرکی آئینی حیثیت پر ڈاکہ ڈالنے کی سازش

مقبوضہ کشمیر کے سابق وزیراعلیٰ فاروق عبداللہ نے کشمیری پنڈتوں کو ملنے والی نام نہاد دھمکیوں کے معاملے پر مودی حکومت کے سیکیورٹی دعوؤں کا پول کھول دیا ہے۔ اپنے ایک بیان میں فاروق عبداللہ نے سوال اٹھایا کہ اگر کشمیری پنڈتوں کو خطرہ ہے تو باہر سے آئے ہندو افسران کو کیوں دھمکیاں نہیں مل رہیں؟ انہوں نے کہا کہ مودی سرکار ایک طرف شدت پسندی ختم کرنے کے دعوے کرتی ہے اور دوسری طرف یہی دھمکیاں مقبوضہ جموں و کشمیر کی آئینی و ریاستی حیثیت پر ڈاکہ ڈالنے اور تحریکِ آزادی کو کچلنے کی سازش کے طور پر استعمال کی جا رہی ہیں۔ فاروق عبداللہ نے لیفٹیننٹ گورنر سے جواب طلبی کرتے ہوئے الزام عائد کیا کہ پولیس اور انتظامیہ کے تمام اختیارات رکھنے والے حکمران خود اس قسم کی دھمکیوں کے پیچھے ملوث ہیں۔