پاک چین تجارت، سرمایہ کاری اور کاروباری تعاون کے فروغ میں اہم پیشرفت

پاکستان اور چین کے درمیان تجارت، سرمایہ کاری اور اقتصادی تعاون کے فروغ میں بڑی پیش رفت سامنے آئی ہے۔ چین کے شہر گوانگ ژو میں منعقدہ پانچویں ‘پاکستان انویسٹمنٹ اینڈ بزنس انوائرمنٹ ایکسچینج فورم 2026’ کے دوران دونوں ممالک کے درمیان الیکٹرک گاڑیوں، بیٹری مینوفیکچرنگ، تعمیراتی سامان، فرنیچر، پائن نٹس اور میڈیکل و بزنس ٹورازم سمیت مختلف شعبوں میں 5 اہم مفاہمتی یادداشتوں (MoUs) پر دستخط کیے گئے۔ دونوں ممالک کے سفارتی تعلقات کے 75 سال مکمل ہونے پر منعقدہ اس فورم میں بی ٹو بی (B2B) ملاقاتوں، پالیسی مذاکرات اور سی پیک (CPEC) کے تحت صنعتی و انفراسٹرکچر تعاون کو وسعت دینے کے عزم کا اعادہ کیا گیا۔ فورم میں توانائی، ای کامرس اور فوڈ پروسیسنگ کے شعبوں میں سرمایہ کاری کے نئے مواقع بھی پیش کیے گئے، جو دونوں ممالک کے معاشی تعلقات کو نئی جہت فراہم کریں گے۔