شرجیل میمن کراچی میں جلاؤ گھیراؤ اور توڑ پھوڑ کے واقعات کی مذمت

سندھ کے سینئر وزیر شرجیل انعام میمن نے کراچی میں احتجاج کے نام پر جلاؤ گھیراؤ اور توڑ پھوڑ کے واقعات کی شدید الفاظ میں مذمت کی ہے۔ اپنے ایک بیان میں صوبائی وزیر نے واضح کیا کہ جماعتِ اسلامی کو پرامن احتجاج کا حق حاصل ہے، لیکن سیاسی مقاصد کے لیے بے امنی پھیلانے، سڑکیں بند کرنے یا عوامی املاک کو نقصان پہنچانے والے شرپسند عناصر کو قانون ہاتھ میں لینے کی اجازت بالکل نہیں دی جائے گی۔ انہوں نے زور دے کر کہا کہ احتجاج کی آڑ میں خوف و ہراس پھیلانا ریاست کی رٹ کو چیلنج کرنے کے مترادف ہے اور شہریوں کے جان و مال کے تحفظ کو یقینی بنانے کے لیے ایسے تمام عناصر کے خلاف سختی سے نمٹتے ہوئے انہیں قانون کے کٹہرے میں لایا جائے گا۔