تحفظات مسترد، ورلڈکپ میں بنگلہ دیش کے میچز بھارت میں ہی ہوں گے، آئی سی سی

ٹی ٹوئنٹی ورلڈکپ میں بنگلہ دیش کے مچزبھارت میں ہی کھیلے جائیں گے۔ انٹرنیشنل کرکٹ کونسل نے ورلڈکپ کے حوالے  سے  بنگلادیش کے تحفظات  مستردکردیئے ۔

آئی سی سی کی جانب سے جاری اعلامیے میں کہاگیاہے کہ ورلڈکپ شیڈول کے مطابق ہوگا اوربنگلا دیش کے میچز بھارت میں ہی کھیلے جائیں گے۔

آئی سی سی کے مطابق یہ فیصلہ بورڈ میٹنگ میں سیکیورٹی کے جائزے کے بعد کیا گیا۔۔۔جائزے کے مطابق بنگلادیش کےکھلاڑیوں،میڈیا پرسنز ، آفیشلز  اورشائقین کو  بھارت کےکسی مقام پر خطرہ نہیں ہے۔

اعلامیے میں کہا گیا ہےکہ بورڈ کے مطابق یہ قابل عمل نہیں ہےکہ ٹورنامنٹ کے قریب شیڈول تبدیل کیا جائے۔