اقوام متحدہ: پاکستان کی ہتھیاروں، جوہری سلامتی سے متعلق 4 قراردادیں منظور

اقوام متحدہ کی جنرل اسمبلی کی تخفیفِ اسلحہ اور بین الاقوامی سلامتی سے متعلق پہلی کمیٹی نے پاکستان کی پیش کردہ چار اہم قراردادیں منظور کر لی ہیں۔ ان قراردادوں کا تعلق علاقائی تخفیفِ اسلحہ، اعتماد سازی کے اقدامات اور جوہری سلامتی کی یقین دہانیوں سے ہے۔
اقوام متحدہ میں پاکستان کے مستقل مشن کی جانب سے جاری بیان کے مطابق،
کمیٹی نے علاقائی تخفیفِ اسلحہ اور علاقائی و ذیلی علاقائی سطح پر اعتماد سازی کے اقدامات سے متعلق دو قراردادیں متفقہ طور پر منظور کیں۔
جبکہ دیگر دو قراردادیں —
غیر جوہری ہتھیار رکھنے والی ریاستوں کو جوہری ہتھیاروں کے استعمال یا خطرے کے خلاف مؤثر بین الاقوامی یقین دہانیاں فراہم کرنے سے متعلق،
اور
علاقائی و ذیلی علاقائی سطح پر روایتی ہتھیاروں کے کنٹرول سے متعلق
رکن ممالک کی بھاری اکثریت سے منظور کی گئیں۔
پاکستانی مشن کے مطابق، اسلام آباد طویل عرصے سے اقوام متحدہ کے فورمز پر تخفیفِ اسلحہ، جوہری سلامتی اور اعتماد سازی کے اقدامات کو عالمی ترجیح بنانے میں قائدانہ کردار ادا کر رہا ہے۔
بیان میں کہا گیا کہ ان قراردادوں کی منظوری اس امر کی تصدیق ہے کہ بین الاقوامی برادری منفی سلامتی کی یقین دہانیوں اور علاقائی سطح پر اسلحہ کنٹرول کے اقدامات کو انتہائی اہمیت دیتی ہے