جنگ کا 13 واں روز، ایران میں حملوں سے شہادتوں کی تعداد 1348 ہوگئی

ایران، امریکا اور اسرائیل کے درمیان جاری جنگ کے 13 ویں دن بھی حملے اور جوابی کارروائیاں جاری ہیں۔ایران کے اقوام متحدہ میں نمائندے امیر سعید ایراوانی کے مطابق اب تک 1,348 ایرانی شہری جاں بحق اور 17,000 سے زائد زخمی ہو چکے ہیں۔ یونیسف کے مطابق 1,100 سے زائد بچے بھی متاثر ہوئے ہیں۔

ایرانی محکمہ صحت کے مطابق  ملبے تلے دبے لاپتہ افراد کی موجودگی کے باعث شہدا کی تعداد میں اضافے کا شدید خدشہ ظاہر کیا جا رہا ہے۔جبکہ اسپتالوں میں زیرعلاج زخمیوں میں سے کئی کی حالت تشویشناک بتائی جاتی ہے۔

رپورٹس میں یہ بھی بتایا گیا ہے کہ ان سفاکانہ حملوں میں جان بوجھ کر رہائشی علاقوں اور تعلیمی اداروں کو نشانہ بنایا گیا، جس کے نتیجے میں جانی نقصان میں خواتین اور بچوں کا تناسب 12 فیصد سے زائد رہا ہے۔