ولادی ووستوک میں 11واں ایسٹرن اکنامک فورم شروع، 80 ممالک کے نمائندوں کی شرکت

روس کے مشرقِ بعید کے شہر ولادی ووستوک میں 11 واں چار روزہ ایسٹرن اکنامک فورم (EEF) باضابطہ طور پر شروع ہو گیا ہے، جس میں دنیا کے 80 ممالک سے 5 ہزار سے زائد نمائندے، سرمایاکار اور عالمی وفود شرکت کر رہے ہیں۔ روسکی جزیرے کے فیڈرل یونیورسٹی کیمپس میں انعقاد پذیر اس فورم کا مرکزی موضوع “دورِ مشرق — عوام کی فلاح کے لیے ترقی” رکھا گیا ہے، جہاں تجارتی، لاجسٹکس، مصنوعی ذہانت اور توانائی کے شعبوں میں تعاون پر تبادلہ خیال کیا جا رہا ہے۔ فورم کے افتتاح پر “سٹریٹ آف دی فار ایسٹ” نمائش بھی سجا دی گئی ہے۔ روسی صدر ولادیمیر پوتن، جو ایس سی او اجلاس کے بعد فورم پہنچ کر پلینری سیشن سے خطاب کریں گے، نے اپنے پیغام میں زور دیا کہ یہ فورم ایشیا پیسیفک خطے کے ساتھ اقتصادی شراکت داری مضبوط کرنے اور روس کے مشرقِ بعید کی پائیدار ترقی کے لیے سنگِ میل ثابت ہو گا۔