متنازع ٹوئٹ کیس: ایمان مزاری اور ان کے شوہر ہادی علی چٹھہ پر فردِ جرم عائد

اسلام آباد: (ویب ڈیسک) ڈسٹرکٹ اینڈ سیشن کورٹ اسلام آباد نے متنازع ٹوئٹ کیس میں ایمان مزاری اور ان کے شوہر ہادی علی چٹھہ پر فردِ جرم عائد کر دی۔

جیو نیوز کے مطابق سماعت ایڈیشنل سیشن جج افضل مجوکہ نے کی، جس دوران عدالت نے دونوں ملزمان پر فردِ جرم عائد کی۔ ایمان مزاری اور ہادی علی نے صحتِ جرم سے انکار کیا۔

عدالت نے صحتِ جرم سے انکار پر اگلی سماعت کے لیے استغاثہ کے تمام گواہان کو طلب کر لیا۔
مزید برآں، عدالت نے ہادی علی چٹھہ کو ضمانتی مچلکے دوبارہ جمع کرانے کا حکم دیا اور کیس کی سماعت 5 نومبر تک ملتوی کر دی۔

واضح رہے کہ ایمان مزاری اور ہادی علی چٹھہ کے خلاف این سی سی آئی اے کی جانب سے مقدمہ درج کیا گیا تھا۔