زہران ممدانی نیویارک کے پہلے مسلمان میئر بن گئے، قرآن پاک پر حلف اٹھا لیا

نیویارک کے پہلے مسلمان میئر زہران ممدانی نے اپنے عہدے کا باضابطہ حلف اٹھا لیا۔
نیویارک میں منعقدہ ایک پروقار تقریب کے دوران ظہران ممدانی نے قرآنِ پاک پر ہاتھ رکھ کر میئر شپ کا حلف لیا، جس کے بعد وہ نیویارک کے 111ویں میئر کی حیثیت سے ذمہ داریاں سنبھال چکے ہیں۔

حلف برداری کی تقریب سٹی ہال کے نیچے واقع ایک تاریخی سابق سب وے اسٹیشن میں منعقد ہوئی، جہاں نیویارک کی اٹارنی جنرل لیٹیشیا جیمز نے زہران ممدانی سے بطور میئر حلف لیا۔

اس موقع پر خطاب کرتے ہوئے زہران ممدانی کا کہنا تھا کہ نیویارک جیسے عالمی شہر کی قیادت سنبھالنا ان کے لیے زندگی بھر کا اعزاز ہے اور وہ تمام شہریوں کے لیے بلا تفریق کام کریں گے۔

واضح رہے کہ 34 سالہ ڈیموکریٹک سوشلسٹ امیدوار زہران ممدانی نے میئر کے انتخابات میں تاریخی کامیابی حاصل کی۔
انہوں نے 50.78 فیصد ووٹ حاصل کیے جبکہ ان کے مدِ مقابل سابق گورنر اینڈریو کومو کو 41.6 فیصد ووٹ ملے۔