ایرانی سپریم لیڈر کی آخری رسومات میں شرکت کیلئے چیئرمین سینیٹ تہران روانہ
Web Desk
2 July 2026
ایرانی سپریم لیڈر کی آخری رسومات میں شرکت کے لیے چیئرمین سینیٹ سید یوسف رضا گیلانی ایران روانہ ہو گئے ہیں۔
چیئرمین سینیٹ کے جاری کردہ بیان کے مطابق سید یوسف رضا گیلانی ایرانی پارلیمان کے اسپیکر محمد باقر قالیباف کی دعوت پر تہران کا دورہ کر رہے ہیں۔ ان کے ہمراہ گورنر خیبرپختونخوا فیصل کریم کنڈی بھی موجود ہیں۔ تہران پہنچنے پر چیئرمین سینیٹ نے ایرانی پارلیمان، حکومت اور عوام سے دلی تعزیت اور گہری ہمدردی کا اظہار کیا۔
اپنے تعزیتی بیان میں سید یوسف رضا گیلانی نے کہا کہ آیت اللہ سید علی خامنہ ای کا انتقال ایران، پاکستان اور پوری امت مسلمہ کے لیے ایک عظیم نقصان ہے۔ انہوں نے کہا کہ مرحوم غیر معمولی بصیرت، دانشمندی اور قائدانہ صلاحیتوں کے حامل رہنما تھے اور پاکستان نے ان کی وفات سے ایک مخلص دوست کھو دیا ہے۔
چیئرمین سینیٹ کا مزید کہنا تھا کہ مسلم دنیا نے آیت اللہ سید علی خامنہ ای کی صورت میں ایک دور اندیش قائد کھو دیا ہے، جن کی خدمات اور قیادت کو ہمیشہ یاد رکھا جائے گا۔ انہوں نے دعا کی کہ اللہ تعالیٰ مرحوم کے درجات بلند فرمائے اور ایرانی عوام کو یہ صدمہ برداشت کرنے کی توفیق عطا کرے۔ انہوں نے اس عزم کا اعادہ بھی کیا کہ پاکستان اور ایران کے برادرانہ تعلقات باہمی احترام، دوستی اور مشترکہ اسلامی اقدار پر استوار ہیں۔
واضح رہے کہ دفتر خارجہ کے مطابق ایران اور امریکہ کے درمیان مذاکرات کا اگلا دور بھی شہید خامنہ ای کی آخری رسومات کے بعد شیڈول کیا جائے گا۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026