لبنان، ایران اور فلسطین میں اسرائیلی جارحیت کے خلاف دنیابھرمیں احتجاج

لبنان ، فلسطین اور ایران میں اسرائیلی کارروائیوں کے خلاف دنیاکے مختلف ممالک میں مظاہروں کا سلسلہ جاری ہے۔ایران اور لبنان میں اسرائیلی کارروائیوں کے خلاف یونان کے دارالحکومت ایتھنز میں اسرائیلی سفارتخانے کے سامنے مظاہرہ کیا گیا۔

ادھر نیدرلینڈز کے شہر دی ہیگ میں ڈچ پارلیمنٹ کے سامنے غزہ اور لبنان سے اظہارِ یکجہتی کے دوران ایک شخص کو گرفتار کرلیا گیا۔نیویارک میں بھی بڑی تعداد میں لوگ سڑکوں پر نکل آئے جہاں فلسطین، لبنان اور ایران کے خلاف امریکی و اسرائیلی کارروائیوں کے فوری خاتمے کا مطالبہ کیا۔

اس کے علاوہ جرمنی کے دارالحکومت برلن میں بھی احتجاجی مظاہرہ کیا گیا جب کہ فرانس کے دارالحکومت پیرس میں علامتی احتجاج میں اسرائیلی پارلیمنٹ میں فلسطینی قیدیوں کے خلاف منظورکئے گئے  سخت قانون کی مذمت کی گئی۔