ٹرمپ کی تین خبر رساں اداروں پر عائد پابندی غیر آئینی قرار

وائٹ ہاؤس نے وفاقی جج ٹم کیلی کے فیصلے کے بعد معروف خبر رساں اداروں سی این این (CNN)، ایم ایس ناؤ (MS Now) اور پولیٹیکو (Politico) کے صحافیوں کو پریس کوریج کی مکمل رسائی بحال کر دی ہے۔ وفاقی جج نے صدر ڈونلڈ ٹرمپ کی جانب سے ان تینوں میڈیا اداروں پر عائد کردہ پابندی کو غیر آئینی قرار دیتے ہوئے 14 روز کے لیے معطل کر دیا تھا اور اپنے فیصلے میں واضح کیا کہ صحافیوں کے پریس پاس منسوخ کرنا آئینی آزادیِ اظہار رائے اور صحافت کے حق کی صریح خلاف ورزی ہے۔

ٹرمپ انتظامیہ نے میڈیا پر اس پابندی کا دفاع کرتے ہوئے اسے قومی سلامتی کے خدشات سے جوڑا تھا، تاہم جج کیلی نے ان دلائل کو شواہد کے بغیر قرار دیتے ہوئے رد کر دیا۔ ابتدائی عدالتی احکامات کے باوجود وائٹ ہاؤس کے سیکیورٹی عملے نے کچھ رپورٹرز کا داخلہ روکا اور پولیٹیکو کے نمائندے کا پاس ضبط کر لیا، جس پر تینوں اداروں نے فوری عدالتی سماعت کی درخواست دائر کی۔ عدالت کے سخت موقف کے بعد وائٹ ہاؤس انتظامیہ نے متاثرہ صحافیوں کو پریس پاسز دوبارہ جاری کر کے ان کی وائٹ ہاؤس تک رسائی بحال کر دی ہے۔