واٹس ایپ کا نیا فیچر متعارف، اب سٹیٹس ڈبل سپیڈ پر دیکھنا ممکن

مقبول ترین میسجنگ ایپ واٹس ایپ نے اینڈرائیڈ صارفین کے لیے سٹیٹس اپ ڈیٹس کو دوگنی رفتار (2x Speed) سے دیکھنے کے ایک نئے فیچر پر کام شروع کر دیا ہے۔ ٹیکنالوجی رپورٹس کے مطابق یہ فیچر گوگل پلے اسٹور پر واٹس ایپ اینڈرائیڈ بیٹا ورژن 2.26.40.4 میں دیکھا گیا ہے، جس کی مدد سے صارفین کم وقت میں زیادہ اسٹیٹس اپ ڈیٹس دیکھ سکیں گے۔ اس فیچر کو استعمال کرنے کے لیے اسٹیٹس دیکھتے ہوئے اسکرین کے دائیں جانب انگلی دبا کر رکھنا ہوگی، جس سے پلے بیک کی رفتار عارضی طور پر دوگنی ہو جائے گی اور انگلی ہٹاتے ہی رفتار معمول پر واپس آ جائے گی۔ یہ سہولت فی الوقت محدود بیٹا صارفین کو دستیاب ہے اور آنے والے ہفتوں میں اسے تمام صارفین کے لیے مرحلہ وار جاری کیے جانے کا امکان ہے۔