ہفتہ وار مہنگائی میں اضافہ، ایک ہفتے میں 21 اشیاء مہنگی، 8 سستی

ملک میں ہفتہ وار بنیادوں پر مہنگائی میں اضافہ ریکارڈ کیا گیا ہے۔ ادارہ شماریات کے مطابق ہفتہ وار مہنگائی کی شرح میں 0.12 فیصد اضافہ ہوا، جس کے بعد مجموعی سالانہ مہنگائی کی شرح 3.20 فیصد تک پہنچ گئی۔

رپورٹ کے مطابق ایک ہفتے کے دوران 21 اشیائے ضروریہ کی قیمتوں میں اضافہ ہوا، جبکہ 8 اشیاء سستی ہوئیں۔ مہنگی ہونے والی اشیاء میں آٹا 5.07 فیصد، چکن 2.86 فیصد، لہسن 2.44 فیصد، مرچ پاؤڈر 1.01 فیصد اور تیار چائے 0.73 فیصد شامل ہیں۔ اس کے علاوہ چینی 0.58 فیصد اور باسمتی چاول 0.14 فیصد مہنگے ہوئے۔

ادارہ شماریات کے مطابق ایک ہفتے کے دوران آلو 3.73 فیصد، پیاز 2.20 فیصد، دال چنا 1.51 فیصد، انڈے 1.44 فیصد اور دال ماش 0.65 فیصد سستی ہوئیں۔ اس کے علاوہ کیلے 0.21 فیصد اور ٹماٹر 0.05 فیصد سستے ہوئے۔