واشنگٹن فائرنگ کا ملزم تفتیش میں تعاون نہیں کر رہا، اٹارنی جنرل بلانش

امریکا کے قائم مقام اٹارنی جنرل بلانش نے کہا ہے کہ واشنگٹن فائرنگ کے واقعے میں گرفتار ملزم تفتیشی اداروں سے تعاون نہیں کر رہا۔

انہوں نے میڈیا سے گفتگو میں کہا کہ ابتدائی شبہ ہے ملزم کسی حکومتی عہدیدار کو نشانہ بنانا چاہتا تھا، تاہم اس بارے میں مزید تحقیقات جاری ہیں۔

اٹارنی جنرل بلانش کے مطابق فی الحال یہ واضح نہیں کہ فائرنگ کے واقعے کا ایران سے کوئی تعلق ہے یا نہیں۔

انہوں نے بتایا کہ ملزم پر آج وفاقی عدالت میں فرد جرم عائد کی جائے گی، جبکہ یہ بھی شبہ ہے کہ اس نے چند برس قبل اسلحہ خریدا تھا۔

بلانش نے مزید کہا کہ حکام کو اطلاع ملی ہے کہ ملزم کے پاس کچھ تحریری مواد بھی موجود تھا۔

ان کے مطابق ابتدائی تحقیقات سے ظاہر ہوتا ہے کہ ملزم کسی ہوٹل میں مقیم تھا اور اس نے اکیلے کارروائی کی۔