ملکی دریاؤں اور آبی ذخائر میں پانی کی تازہ ترین صورتحال: واپڈا نے اعداد و شمار جاری کر دیے

لاہور: واٹر اینڈ پاور ڈیولپمنٹ اتھارٹی (واپڈا) نے ملکی دریاؤں اور اہم آبی ذخائر میں پانی کی آمد اور ذخائر کی تازہ ترین صورتحال سے متعلق اعداد و شمار جاری کر دیے ہیں۔

ترجمان واپڈا کے مطابق تربیلا کے مقام پر دریائے سندھ میں پانی کی آمد 1 لاکھ 59 ہزار 800 کیوسک ریکارڈ کی گئی ہے، جبکہ منگلا کے مقام پر دریائے جہلم میں 19 ہزار 300 کیوسک اور ہیڈ مرالہ کے مقام پر دریائے چناب میں پانی کی آمد 56 ہزار 300 کیوسک ہے۔ اس کے علاوہ نوشہرہ کے مقام پر دریائے کابل میں 24 ہزار 700 کیوسک جبکہ چشمہ بیراج پر 2 لاکھ 51 ہزار 800 کیوسک پانی کی آمد درج کی گئی ہے۔

آبی ذخائر میں پانی کی سطح اور ذخیرے کی صورتحال مندرجہ ذیل ہے:

• تربیلا ڈیم: پانی کی سطح 1550 فٹ، جبکہ مجموعی ذخیرہ 55 لاکھ 80 ہزار ایکڑ فٹ ہے۔

• منگلا ڈیم: پانی کی سطح 1218.25 فٹ، جبکہ مجموعی ذخیرہ 54 لاکھ 60 ہزار ایکڑ فٹ ہے۔

• چشمہ بیراج: پانی کی سطح 648.50 فٹ، جبکہ ذخیرہ 2 لاکھ 12 ہزار ایکڑ فٹ ہے۔

واپڈا حکام کے مطابق تربیلا، منگلا اور چشمہ میں پانی کا مجموعی ذخیـرہ 1 کروڑ 12 لاکھ 52 ہزار ایکڑ فٹ تک پہنچ گیا ہے۔