وانا : دہشتگردوں کے حملے میں رہنما جے یو آئی مولانا سلطان محمد شہید
Web Desk
10 January 2026
جنوبی وزیرستان کے علاقے وانا میں خارجی دہشتگردوں کے حملے کے نتیجے میں معروف عالمِ دین مولانا حافظ سلطان محمد شہید ہو گئے، جبکہ اس افسوسناک واقعے میں ان کی کم سن بچی بھی نشانہ بنی۔
جمعیت علما اسلام (جے یو آئی) کی جانب سے جاری بیان میں کہا گیا ہے کہ یہ حملہ اس حقیقت کی نشاندہی کرتا ہے کہ باجوڑ اور جنوبی وزیرستان جیسے گہرے مذہبی تشخص رکھنے والے علاقوں میں حریت پسند اور امن کے داعی علما مسلسل خطرات کا سامنا کر رہے ہیں۔
بیان کے مطابق چھ ماہ قبل جے یو آئی جنوبی وزیرستان کے ضلعی امیر مولانا عبداللہ ندیم بم دھماکے میں شدید زخمی ہوئے تھے، جن کا علاج تاحال جاری ہے۔ اس سے قبل بھی جے یو آئی کے سابق ضلعی امیر مولانا مرزا جان دہشتگردانہ حملے میں شہید ہو چکے ہیں۔
دوسری جانب جے یو آئی کے سربراہ مولانا فضل الرحمان نے مولانا حافظ سلطان محمد کی شہادت پر گہرے دکھ اور افسوس کا اظہار کرتے ہوئے کہا کہ وہ ایک مخلص، نڈر اور جری ساتھی تھے۔ انہوں نے کہا کہ جمعیت علما اسلام اپنی آئینی، جمہوری اور پرامن جدوجہد ہر صورت جاری رکھے گی، چاہے اس راہ میں کتنی ہی قربانیاں کیوں نہ دینی پڑیں۔
مولانا فضل الرحمان نے قومی سلامتی کے اداروں سے مطالبہ کیا کہ وہ فوری طور پر علاقے میں امن قائم کریں، علما کرام کے تحفظ کو یقینی بنائیں اور دہشتگرد عناصر کو جلد از جلد کیفرِ کردار تک پہنچائیں۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026