جے ڈی وینس کا آبنائے ہرمز سے تیل کی ترسیل بحال ہونے کا دعویٰ

واشنگٹن: امریکی نائب صدر جے ڈی وینس نے دعویٰ کیا ہے کہ آبنائے ہرمز سے تیل کی سپلائی بحال ہو چکی ہے اور ترسیل جنگ شروع ہونے سے پہلے کی سطح کے قریب پہنچ گئی ہے۔

امریکی نائب صدر نے بتایا کہ گزشتہ روز آبنائے ہرمز سے 1 ارب 50 کروڑ بیرل تیل کا گزراؤ ہوا، جس سے ثابت ہوتا ہے کہ اس تزویراتی سمندری گزرگاہ پر ایران کا عملی اختیار ختم ہو چکا ہے۔ انہوں نے واضح کیا کہ ایران کو تجارتی بحری جہازوں پر حملے ہر صورت روکنا ہوں گے اور جب تک یہ حملے بند نہیں ہوتے، ایران کے ساتھ کسی قسم کے مذاکرات نہیں کیے جائیں گے۔ انہوں نے مزید دہرایا کہ امریکا ایران کو کسی صورت جوہری ہتھیار حاصل نہیں کرنے دے گا۔

شادی کی تقریب پر مبینہ امریکی حملے سے متعلق ایرانی میڈیا کی رپورٹس پر بات کرتے ہوئے جے ڈی وینس نے کہا کہ امریکا نے کبھی شہریوں کو نشانہ نہیں بنایا، اس رپورٹ پر شک ہے تاہم معاملے کی تحقیقات کی جا رہی ہیں۔ انہوں نے مزید کہا کہ بیجنگ تہران پر دباؤ ڈالنے اور اسے معاشی طور پر تنہا کرنے میں کلیدی کردار ادا کر سکتا ہے، اور چین اس سلسلے میں امریکا سے تعاون کے لیے تیار ہے۔