امریکا میں داخلے کے قوانین مزید سخت ، 7 نئے ممالک کے شہریوں پر 15 ہزار ڈالر تک سیکیورٹی بانڈ لازم
Web Desk
5 January 2026
ٹرمپ انتظامیہ نے امریکا میں داخلے کے قوانین مزید سخت کرتے ہوئے 7 نئے ممالک کو اُن ریاستوں کی فہرست میں شامل کر دیا ہے، جن کے پاسپورٹ رکھنے والے شہریوں کو امریکی ویزا کے لیے درخواست دینے سے قبل 5 ہزار سے 15 ہزار ڈالر تک سیکیورٹی بانڈ جمع کرانا ہوگا۔
نئے شامل ہونے والے ممالک میں بھوٹان، بوٹسوانا، وسطی افریقی جمہوریہ، گنی، گنی بساؤ، نمیبیا اور ترکمانستان شامل ہیں، جن میں سے 5 ممالک افریقہ سے تعلق رکھتے ہیں۔ امریکی محکمہ خارجہ کے مطابق یہ فیصلے یکم جنوری سے نافذ العمل ہو چکے ہیں، جس کا نوٹس travel.state.gov کی ویب سائٹ پر جاری کیا گیا ہے۔
ان ممالک کی شمولیت کے بعد مجموعی طور پر 13 ممالک ایسے ہو گئے ہیں، جن کے شہریوں کے لیے سیکیورٹی بانڈ لازمی قرار دیا گیا ہے، جن میں سے دو کے علاوہ تمام افریقی ممالک ہیں۔ اس اقدام کے باعث ان ممالک کے شہریوں کے لیے امریکی ویزا حاصل کرنا مالی طور پر انتہائی مشکل ہو گیا ہے۔
یہ فیصلہ ٹرمپ انتظامیہ کی اُس وسیع پالیسی کا حصہ ہے جس کے تحت امریکا میں داخلے کے تقاضے مسلسل سخت کیے جا رہے ہیں۔ نئی شرائط کے مطابق ویزا کے خواہشمند تمام افراد کو ذاتی طور پر انٹرویو دینا، برسوں پر مشتمل سوشل میڈیا تفصیلات فراہم کرنا، جبکہ اپنی اور اہلِ خانہ کی سابقہ سفری اور رہائشی تاریخ بھی جمع کرانا لازمی ہوگا۔
امریکی حکام کا مؤقف ہے کہ سیکیورٹی بانڈز مؤثر ثابت ہو رہے ہیں اور ان کا مقصد اس بات کو یقینی بنانا ہے کہ مخصوص ممالک کے شہری امریکا میں قیام کی مقررہ مدت سے زیادہ نہ رکیں۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026