ایران کے ساتھ جنگ نئے مرحلے میں داخل ہوچکی: جے ڈی وینس

امریکی نائب صدر جے ڈی وینس نے بیان دیتے ہوئے کہا ہے کہ ایران کے ساتھ جنگ اب ایک نئے مرحلے میں داخل ہو چکی ہے اور اس وقت ایران پر معاشی دباؤ بڑھانا امریکہ کا سب سے مؤثر ترین ہتھیار ہے۔ انہوں نے دعویٰ کیا کہ امریکہ نے ایران کی فوجی اور جوہری صلاحیتوں کو نقصان پہنچایا ہے اور ساتھ ہی آبنائے ہرمز سے تیل و گیس کی ترسیل کے سلسلہ کو جاری رکھنے میں کامیا بی حاصل کی ہے۔

جے ڈی وینس نے مزید کہا کہ مسلسل اقدامات کے باعث ایران کی معیشت شدید دباؤ کا شکار ہو چکی ہے، اور اب یہ تہران پر منحصر ہے کہ وہ اپنی معیشت کو مزید تباہ ہوتے دیکھنا چاہتا ہے یا مغرب کے ساتھ اپنے تعلقات کو بہتر بنانا چاہتا ہے۔ انہوں نے اس بات کا اعادہ کیا کہ ایران کو اپنی جوہری صلاحیت دوبارہ بحال کرنے سے روکنا امریکہ کا بنیادی اور اہم ترین مقصد ہے۔