امریکا نے کبھی شہریوں کو نشانہ نہیں بنایا، امریکی نائب صدر

امریکی نائب صدر جے ڈی وینس نے میڈیا سے گفتگو کرتے ہوئے واضح کیا ہے کہ امریکہ کی ملٹری پالیسی میں کبھی بھی عام شہریوں کو نشانہ نہیں بنایا گیا، اور امریکی فورسز بین الاقوامی قوانین کی پاسداری کرتی ہیں۔ ایران کی خطے میں پالیسیوں پر سخت تنقید کرتے ہوئے نائب صدر جے ڈی وینس نے مطالبہ کیا کہ ایران کو عالمی سمندری راہداریوں میں بحری جہازوں پر حملے فوری بند اور اپنا جارحانہ رویہ ترک کرنا ہوگا۔ انہوں نے امریکی موقف کا اعادہ کرتے ہوئے کہا کہ واشنگٹن کسی بھی صورت ایران کو جوہری ہتھیار حاصل کرنے یا بنانے کی اجازت نہیں دے گا۔ جے ڈی وینس کا مزید کہنا تھا کہ اس وقت عالمی مارکیٹ میں تیل کی قیمتوں میں مسلسل اضافہ اور توانائی کا بحران ایران کی جارحانہ کارروائیوں اور مشرقِ وسطیٰ میں ناکہ بندی کے باعث پیدا ہو رہا ہے۔