وینزویلا یا اس کے عوام سے کوئی جنگ نہیں، امریکی مندوب کا سلامتی کونسل میں مؤقف
Web Desk
5 January 2026
اقوام متحدہ کی سلامتی کونسل کے ہنگامی اجلاس میں امریکی مندوب نے واضح کیا ہے کہ امریکا کی وینزویلا یا اس کے عوام کے خلاف کوئی جنگ نہیں ہے اور نہ ہی امریکا ملک پر قبضے کا ارادہ رکھتا ہے۔
وینزویلا کی صورتحال پر منعقدہ اجلاس میں امریکی کارروائی اور اس کے بعد کی صورتحال پر تفصیلی بحث کی گئی۔ اجلاس سے خطاب کرتے ہوئے امریکی مندوب نے کہا کہ امریکا وینزویلا کے عوام کے لیے امن، آزادی اور انصاف کا خواہاں ہے اور اس کے اقدامات کا مقصد کشیدگی میں اضافہ نہیں۔
امریکی مندوب کے مطابق صدر ڈونلڈ ٹرمپ نے معاملے کو سفارتی طریقے سے حل کرنے کی کوشش کی، مادورو کو متبادل راستے پیش کیے اور حالات کو بگڑنے سے روکنے کے لیے کشیدگی کم کرنے کے اقدامات کیے گئے۔
انہوں نے مزید کہا کہ امریکی حکومت اپنے شہریوں کو منشیات سے جڑی دہشت گردی سے محفوظ رکھنے کے لیے اقدامات سے پیچھے نہیں ہٹے گی۔
دوسری جانب اسی اجلاس میں اقوام متحدہ کے سیکرٹری جنرل انتونیو گوتریس کا بیان بھی پڑھ کر سنایا گیا، جس میں انہوں نے وینزویلا کے خلاف امریکی فوجی کارروائی کو بین الاقوامی قوانین کے منافی قرار دیا۔
یو این سیکرٹری جنرل نے کہا کہ امریکی کارروائی کے بعد وینزویلا کے صدر اور ان کی اہلیہ امریکی تحویل میں ہیں، جس سے ملک میں عدم استحکام اور خطے پر منفی اثرات مرتب ہونے کا خدشہ پیدا ہو گیا ہے۔ انہوں نے تمام فریقین پر زور دیا کہ وہ اقوام متحدہ کے چارٹر کی پاسداری کریں اور جامع و جمہوری مکالمے کے ذریعے مسئلے کا حل تلاش کریں تاکہ وینزویلا کے عوام اپنے مستقبل کا فیصلہ خود کر سکیں۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026