شام میں امریکی فوجیوں پر حملہ، 3 ہلاک، 3 زخمی: حملے کا بدلہ لیں گے، صدر ٹرمپ

شام کے شہر تدمُر میں امریکی فوجیوں پر حملے میں تین افراد ہلاک اور تین زخمی ہو گئے۔ امریکی فوجیوں پر یہ حملہ اس وقت ہوا جب وہ داعش مخالف کارروائیوں کے لیے علاقے کی کلیدی شخصیات سے ملاقات کر رہے تھے۔ امریکی محکمہ دفاع (پینٹاگون) کے مطابق ہلاک ہونے والوں میں دو فوجی اور ایک سویلین مترجم شامل ہیں، جبکہ حملہ آور کو جوابی کارروائی میں ہلاک کر دیا گیا۔

امریکی صدر ڈونلڈ ٹرمپ نے اس واقعے پر ردعمل دیتے ہوئے کہا کہ شام میں امریکی فوجیوں کی ہلاکت کا بدلہ لیا جائے گا اور اگر دوبارہ حملہ ہوا تو جوابی کارروائی کی جائے گی۔ صدر نے ہلاک ہونے والے فوجیوں کی قربانی پر افسوس کا اظہار کیا اور کہا کہ امریکی فورسز داعش کے خلاف مؤثر کارروائیاں جاری رکھیں گی۔