آبنائے ہرمز سے جہازوں کی آزادانہ آمدو رفت بحال، معاہدہ جلد طے پا جائے گا: اسکاٹ بیسنٹ

امریکی وزیرِ خزانہ اسکاٹ بیسنٹ نے کہا ہے کہ آبنائے ہرمز میں تجارتی جہازوں کی آزادانہ آمدورفت سے متعلق اہم معاہدہ آج یا کل میں طے پانے کا قوی امکان ہے، جبکہ اس معاملے پر ایران کے ساتھ مذاکرات کا سلسلہ بھی جاری ہے۔ ایک انٹرویو میں امریکی وزیرِ خزانہ نے بتایا کہ خطے میں شدید کشیدگی کے باوجود متعدد تجارتی بحری جہاز بدستور اس اہم سمندری گزرگاہ سے گزر رہے ہیں۔ انہوں نے وضاحت کی کہ اس متوقع معاہدے کا بنیادی مقصد آبنائے ہرمز سے تجارتی جہازوں کی محفوظ اور بلا تعطل آمدورفت کو یقینی بنانا ہے، جس سے عالمی تجارت کو استحکام ملے گا۔ اسکاٹ بیسنٹ کا مزید کہنا تھا کہ آبنائے ہرمز کے مکمل طور پر فعال ہونے سے عالمی توانائی منڈی کو بڑا فائدہ پہنچے گا اور تیل و گیس سمیت توانائی کی بین الاقوامی قیمتوں میں نمایاں کمی دیکھنے کو ملے گی۔