امریکا کا ایران کے لارک جزیرے پر فضائی حملہ، 2 راکٹ لانچرز تباہ کرنے کا دعویٰ

امریکا نے آبنائے ہرمز کے قریب واقع ایران کے اہم تزویراتی (اسٹریٹجک) لارک جزیرے پر ایک بار پھر فضائی حملہ کرتے ہوئے پاسدارانِ انقلاب کے 2 راکٹ لانچرز تباہ کرنے کا دعویٰ کیا ہے۔ امریکی حکام کے مطابق، ایرانی پاسدارانِ انقلاب ان لانچرز کے ذریعے آبنائے ہرمز میں سمندری بارودی سرنگیں نصب کرنے والے راکٹ داغنے کی تیاری کر رہے تھے۔ دوسری جانب ایرانی خبر رساں ایجنسی فارس نے لارک جزیرے کے قریب شدید دھماکے کی آواز سنے جانے کی تصدیق کی ہے۔ لارک جزیرہ آبنائے ہرمز میں جغرافیائی اعتبار سے انتہائی حساس مقام پر واقع ہے، جس کے باعث اس حملے کو خطے میں امریکا اور ایران کے درمیان بڑھتی ہوئی کشیدگی کا اہم پیش رفت قرار دیا جا رہا ہے۔