امریکا کی ایران کی مالی معاونت کرنیوالے عالمی مالیاتی اداروں کو سنگین نتائج کی دھمکی

امریکی محکمہ خارجہ نے ایک اعلیٰ سطحی بیان جاری کرتے ہوئے دنیا بھر کے عالمی مالیاتی اداروں اور بینکوں کو سخت خبردار کیا ہے کہ وہ ایرانی حکومت کی کسی بھی قسم کی غیر قانونی یا غیر تسلیم شدہ مالی سرگرمیوں کی سہولت کاری سے باز رہیں۔ امریکی محکمہ خارجہ کے ترجمان نے واضح کیا کہ تہران کو مالی ریلیف دینے یا اس کے تجارتی و مالیاتی نظام میں معاونت فراہم کرنے والے اداروں کو سنگین نتائج، عالمی پابندیوں اور امریکی مالیاتی نظام سے بائیکاٹ کا سامنا کرنا پڑے گا۔ بیان میں کہا گیا کہ واشنگٹن انتظامیہ ایرانی حکومت کو عالمی سطح پر معاشی اور سفارتی طور پر یکسر تنہا کرنے کے لیے دستیاب تمام قانونی اور اقتصادی وسائل کا استعمال جاری رکھے گی۔