امریکی محکمہ خارجہ کا ہزاروں والدین کے پاسپورٹ منسوخ کرنے کا فیصلہ

امریکی محکمہ خارجہ نے بچوں کی کفالت کے لیے واجب الادا رقم (Child Support) کی عدم ادائیگی پر ہزاروں والدین کے پاسپورٹ منسوخ کرنے کا باقاعدہ فیصلہ کر لیا ہے. اس کریک ڈاؤن کا آغاز جمعہ سے کیا جا رہا ہے، جس کے ابتدائی مرحلے میں ان 2,700 امریکی پاسپورٹ ہولڈرز کو ہدف بنایا گیا ہے جن کے ذمے 1 لاکھ ڈالر یا اس سے زائد کی رقم بقایا ہے. محکمہ خارجہ کے مطابق، اس پروگرام کو جلد ہی مزید وسعت دی جائے گی جس کے تحت 2,500 ڈالر سے زائد کے نادہندگان بھی پاسپورٹ کی منسوخی کے زمرے میں آئیں گے. واضح رہے کہ 2,500 ڈالر کی یہ حد 1996 کے ایک قانون کے تحت مقرر کی گئی تھی، جس پر اب سختی سے عملدرآمد شروع کیا جا رہا ہے.