روسی تیل کی فروخت روکنے کیلئے امریکی سینیٹ میں بل کثرت رائے سے منظور

امریکی سینیٹ نے روس کی معاشی ناکہ بندی کو مزید سخت کرتے ہوئے روسی تیل اور دیگر مصنوعات کی عالمی خرید و فروخت کو روکنے کے لیے پیش کیا گیا اہم بل بھاری اکثریت سے منظور کر لیا ہے۔

امریکی میڈیا کی رپورٹ کے مطابق سینیٹ میں روس مخالف اس سخت قانون سازی کے حق میں 86 ووٹ آئے، جس سے بل کی باقاعدہ منظوری عمل میں آئی۔ اس نئے قانون کے تحت اب دنیا کے وہ تمام ممالک جو روس سے خام تیل، قدرتی گیس، یا دیگر اہم تجارتی مصنوعات کی خرید و فروخت جاری رکھیں گے، انہیں امریکی پابندیوں کا سامنا کرنا پڑے گا۔

رپورٹ میں مزید بتایا گیا ہے کہ بل کی شقوں کے مطابق جو بھی ملک یا بین الاقوامی ادارے روس کے ساتھ تجارتی تعلقات اور توانائی کے سودے جاری رکھیں گے، ان پر سخت امریکی پابندیوں کے ساتھ ساتھ بھاری معاشی اور اقتصادی جرمانے عائد کیے جائیں گے تاکہ ماسکو کی آمدنی کے ذرائع کو محدود کیا جا سکے۔