ایران آبنائے ہرمز پر غیر ضروری مطالبات کر رہا ہے، امریکی حکام

امریکی حکام نے ایران کی جانب سے آبنائے ہرمز کے حوالے سے سامنے آنے والی شرائط اور تجاویز کو غیر ضروری قرار دیتے ہوئے مکمل طور پر مسترد کر دیا ہے۔ امریکی حکام کے مطابق ایران کی ان تجاویز کو امریکا کے علاوہ عمان اور عالمی برادری نے بھی تسلیم کرنے سے انکار کر دیا ہے۔

جاری کردہ بیان میں امریکی حکام نے وضاحت کی ہے کہ آبنائے ہرمز کے حوالے سے جو معاہدہ زیرِ بحث ہے، اس کا مقصد محض تجارتی بحری آمدورفت میں ہم آہنگی اور تحفظ پیدا کرنا ہے، جبکہ اس مجوزہ معاہدے میں بحری جہازوں پر کسی بھی قسم کا ٹیکس، ٹول یا سروس فیس شامل نہیں ہے۔