امریکی ایندھن بردار طیارہ عراق میں گر کر تباہ، 6 افراد سوار تھے

امریکی سینٹرل کمانڈ (سینٹکام)  نے مغربی عراق میں ایک طیارہ گرنے کے واقعے کی تصدیق کردی ہے۔

سینٹکام کی جانب سے جاری بیان میں کہا گیا ہے کہ ایندھن فراہم کرنے والے طیارے کو پیش آنے والے حادثے سے متعلق آگاہی حاصل کرلی گئی ہے۔

بیان کے مطابق ایک طیارہ مغربی عراق میں گر گیا جبکہ دوسرا طیارہ بحفاظت اتر گیا۔

امریکی حکام کا کہنا ہے کہ یہ واقعہ آپریشن ایپک فیوری کے دوران پیش آیا اور اس وقت جائے وقوعہ پر امدادی کارروائیاں جاری ہیں۔

امریکی ذرائع ابلاغ کے مطابق تباہ ہونے والے طیارے میں 6 افراد سوار تھے۔

دوسری جانب ایران کے ختم الانبیا مرکزی ہیڈکوارٹر نے دعویٰ کیا ہے کہ عراق میں موجود مزاحمتی فورسز نے امریکی ایندھن بردار طیارہ مار گرایا جس کے نتیجے میں اس میں سوار تمام اہلکار ہلاک ہوگئے۔