ایران کا جوہری پروگرام 20سال کےلیے معطل کرنے پر اعتراض نہیں، امریکی صدر
Web Desk
15 May 2026
امریکی صدر ڈونلڈ ٹرمپ نے کہا ہے کہ انہیں ایران کا جوہری پروگرام 20 سال کے لیے معطل کرنے پر کوئی اعتراض نہیں، ایرانی تیل خریدنے والی چینی کمپنیوں پر عائد پابندیاں اٹھانے سے متعلق فیصلہ کروں گا، ایران کے معاملے پر چینی صدر کے ساتھ مکمل اتفاق رائے پایا جاتا ہےچینی صدر شی جن پنگ نے انہیں واضح طورپر کہا ہے کہ ایران جوہری ہتھیار حاصل نہیں کرسکتا۔
اپنے طیارے ائیر فورس ون میں میڈیا سے گفتگو کرتے ہوئے انہوں نے کہا کہ چین نے 200 بوئنگ طیارے خریدنے پر اتفاق کیا ہے، ممکنہ طور پر یہ تعداد 750 تک جاسکتی ہے اسی طرح چین اربوں ڈالر کی سویابین خریدنے جارہا ہے جس سے امریکی کسان بہت خوش ہوں گے۔
امریکی صدر نے کہا کہ چینی صدر شی جن پنگ آبنائے ہرمز کھولنے کے خواہاں ہیں، چین کے مفاد میں ہے کہ آبنائے ہرمز کھلی رہے کیونکہ اس کی 40 فیصد تجارت وہاں سے گزرتی ہے، چینی صدر شی جن پنگ نے مجھ سے واضح طور پر کہا ہے کہ ایران جوہری ہتھیار حاصل نہیں کرسکتا۔
انہوں نے کہا کہ تائیوان سے متعلق چین کو کوئی یقین دہانی نہیں کروائی گئی مجھے نہیں لگتا اس حوالے سے کوئی تنازع ہوگا، تائیوان کے حوالے سے امریکی پالیسی میں کوئی تبدیلی نہیں آئی۔
ٹرمپ کا کہنا تھا کہ ایران کی باقی عسکری صلاحیتوں سے متعلق نیویارک ٹائمز کی رپورٹ سنگین غداری ہے، ایران کے 80 فیصد میزائل نظام محفوظ رہنے کی خبروں میں کوئی صداقت نہیں۔
ایران سے مذاکرات کے حوالے سے سوال پر انہوں نے کہا کہ ایران کے موصولہ جواب کا پہلا جملہ مجھے پسند نہیں آیا اس لیے میں نے اسے مسترد کردیا، ہم صرف دو دن میں ایران کے پاور پلانٹس ختم کرسکتے ہیں، ایران کا جوہری مواد چین یا امریکا منتقل کیا جاسکتا ہے، اگر میں اوباما کا جوہری معاہدہ معطل نہ کرتا تو ایران جوہری ہتھیار بناچکا ہوتا۔
اس موقع پر انہوں نے پاکستانی قیادت کی ایک بار پھر تعریف کی اور کہا کہ پاکستان کے وزیراعظم اور فیلڈ مارشل عظیم شخصیات ہیں۔
متعلقہ عنوانات
وزیر داخلہ محسن نقوی کی ایرانی ہم منصب سکندر مومنی سے اہم ملاقات
5 June 2026
پاکستانی معیشت کے لیے بڑی کامیابی؛ مئی 2026 میں تجارتی خسارے میں 39 فیصد کی نمایاں کمی،
5 June 2026
سکیورٹی فورسز کا بلوچستان کے ضلع پنجگور میں آپریشن،6 خارجی ہلاک
5 June 2026
آئندہ مالی سال کا بجٹ 290 روپے فی ڈالر ریٹ پر بنے گا، وزارت خزانہ
5 June 2026
ایران اور روس کے درمیان جوہری شعبے میں تعاون کیلئے 25 ارب ڈالر کا معاہدہ
5 June 2026
ثاقب چدھڑ پر مومنہ کو ہراساں کرنے کا مقدمہ درج، عبوری ضمانت منظور
5 June 2026
سپریم جوڈیشل کونسل، پالیسی ساز کمیٹی اور عدالتی کمیشن کے اجلاس طلب
5 June 2026
گلگت بلتستان قانون ساز اسمبلی کے لیے انتخابی مہم کا آج آخری روز
5 June 2026