جہازوں کو بہترین ہتھیاروں سے لیس کررہے ہیں، معاہدہ نہ ہواتواستعمال کریں گے، صدرٹرمپ

امریکی صدر ڈونلڈ ٹرمپ نے خبردار کیا ہے کہ امریکا اپنے بحری جہازوں کو بہترین ہتھیاروں سے لیس کر رہا ہے، اگر ایران سے معاہدہ نہ ہوا تو ان ہتھیاروں کواستعمال کریں گے۔

امریکی اخبار’نیویارک پوسٹ ‘ کودِیے گئے انٹرویو میں صدر ٹرمپ کا کہنا تھا کہ ہمیں 24 گھنٹوں میں معاہدے سے متعلق معلوم ہو جائے گا۔

صدر کا مزید کہنا تھا کہ ہم اپنے جہازوں پر بہترین ہتھیار لاد رہے ہیں، یہاں تک کہ اس سے بھی بہترین سطح کے ہتھیار جو ہم مکمل تباہی کے لیے استعمال کرتے ہیں۔ اگر ہمارا معاہدہ نہ ہوا تو پھر ہم ان ہتھیاروں کو استعمال کریں گے اور بہت موثر طریقے سے استعمال کریں گے۔