ایران کے خلاف جنگ سے امریکی فوجی ذہنی دباؤ کا شکار، خودکشی کی کوششیں

امریکی میڈیا کے مطابق ایران کے خلاف طویل جنگی ماموریت پر مامور امریکی فوجی شدید ذہنی دباؤ کا شکار ہو گئے ہیں، جبکہ بعض اہلکاروں کی جانب سے سمندر میں کود کر خودکشی کی کوششوں کی بھی اطلاعات سامنے آئی ہیں۔ رپورٹ کے مطابق طیارہ بردار بحری جہاز ‘یو ایس ایس ابراہم لنکن’ پر تعینات تقریباً 5 ہزار اہلکار مسلسل 250 دن سے سمندر میں موجود ہیں، جس کے باعث ان کی ذہنی صحت پر اہلخانہ اور امریکی کانگریس کے ارکان نے شدید تشویش کا اظہار کیا ہے۔ کانگریس کے ارکان نے جہاز پر طویل تعیناتی کے ساتھ ساتھ خوراک اور پانی کی مناسب فراہمی پر بھی سوالات اٹھائے ہیں۔ تاہم، امریکی بحری حکام نے ان ادعا⁠ت کی تردید کرتے ہوئے کہا ہے کہ جہاز پر خودکشی کی کوششوں کے کوئی شواہد نہیں ملے اور تمام اہلکاروں کو مکمل سہولیات فراہم کی جا رہی ہیں۔