وینزویلا پر امریکی فوجی کارروائی: سلامتی کونسل کا ہنگامی اجلاس آج طلب

وینزویلا کے خلاف امریکی فوجی کارروائی کے بعد اقوام متحدہ کی سلامتی کونسل آج ہنگامی اجلاس طلب کر چکی ہے۔ اجلاس میں عالمی سطح پر پیدا ہونے والے ردعمل اور امریکی آپریشن کے اثرات پر بحث متوقع ہے۔

عالمی میڈیا کے مطابق امریکی حملوں کے بعد وینزویلا کی تیل برآمدات مکمل طور پر مفلوج ہو گئی ہیں۔ امریکی صدر ڈونلڈ ٹرمپ نے اعلان کیا کہ اقتدار کی منتقلی تک امریکا وینزویلا کے امور خود دیکھے گا اور وینزویلا کے تیل کے ذخائر امریکی کمپنیوں کے کنٹرول میں ہوں گے۔

امریکی وزیر خارجہ مارکو روبیو نے بتایا کہ صدر نکولس مادورو پر امریکا میں 2020 میں فردِ جرم عائد کی گئی تھی اور انہیں ایک پرکشش پیشکش بھی کی گئی تھی۔ مارکو روبیو نے مزید کہا کہ صدر ٹرمپ گیم نہیں کھیلتے، جو کہتے ہیں، کرتے ہیں۔

ادھر امریکی جوائنٹ چیفس آف اسٹاف کے چیئرمین جنرل ڈین کین نے کہا کہ وینزویلا میں کیے گئے امریکی فوجی آپریشن میں 150 سے زائد بمبار اور فائٹر طیاروں نے حصہ لیا۔