نائن الیون حملوں کے مبینہ ماسٹر مائنڈ کے اعترافی بیانات مسترد، مقدمے میں مزید تاخیر کا خدشہ

نائن الیون حملوں کے مبینہ ماسٹر مائنڈ خالد شیخ محمد کے اعترافی بیانات کو امریکی ملٹری جج نے مسترد کر دیا ہے۔ جج نے اعترافات کو ناقابلِ قبول قرار دیتے ہوئے کہا ہے کہ سی آئی اے کی جانب سے تشدد کے بعد اور ایف بی آئی اہلکاروں کے سامنے دیے گئے اعترافی بیانات رضاکارانہ نہیں تھے۔ امریکی میڈیا کے مطابق ان بیانات کے مسترد ہونے سے 11 ستمبر 2001 کے حملوں کے مقدمے کی کارروائی میں مزید تاخیر کا خدشہ پیدا ہو گیا ہے، جبکہ کیس کی باضابطہ سماعت کی تاریخ 5 جون 2028 مقرر کی گئی ہے جس پر متاثرہ خاندانوں نے شدید تشویش کا اظہار کیا ہے۔ واضح رہے کہ خالد شیخ محمد کو 2003 میں گرفتار کیا گیا تھا اور وہ گزشتہ 20 سال سے زائد عرصے سے کیوبا میں قائم امریکی بحریہ کے اڈے ‘گوانتانامو بے’ کی جیل میں قید ہیں۔