امریکا نے افغانستان کو ناجائز حراست میں رکھنے والی ریاست قرار دیدیا

امریکا نے افغانستان کو ناجائز حراست کی سرپرستی کرنے والی ریاست قرار دے دیا ہے۔

امریکی وزیر خارجہ مارکو روبیو نے اپنے بیان میں کہا کہ افغان طالبان غیر ملکی شہریوں کو حراست میں رکھ کر مراعات حاصل کرنے کی کوشش کر رہے ہیں اور اس مقصد کے لیے دہشت گردی کے حربے استعمال کیے جا رہے ہیں۔انہوں نے کہا کہ طالبان کا دباؤ موجودہ امریکی انتظامیہ پر اثر انداز نہیں ہوگا اور امریکا اس معاملے پر اپنا مؤقف واضح رکھتا ہے۔مارکو روبیو نے مطالبہ کیا کہ افغانستان فوری طور پر تمام امریکی قیدیوں کو رہا کرے۔ ان کا کہنا تھا کہ طالبان کو ڈینیل کوئل اور محبوب حبیبی سمیت حراست میں لیے گئے دیگر افراد کو بھی فوری طور پر آزاد کرنا ہوگا۔