امریکا اور ایران کے درمیان رابطے جاری ہیں، اسٹیو ویٹکوف 

امریکی صدر ڈونلڈ ٹرمپ کے مشرق وسطیٰ کے لیے خصوصی نمائندے اسٹیو ویٹکوف نے کہا ہے کہ امریکا اور ایران کے درمیان رابطے برقرار ہیں۔

امریکی میڈیا کے مطابق اسٹیو ویٹکوف صدر ڈونلڈ ٹرمپ کے ہمراہ ایک گالف چیمپئن شپ کے موقع پر ڈورال گالف کلب پہنچے جہاں انہوں نے میڈیا سے گفتگو کی۔

اس موقع پر ایران کے ساتھ مذاکرات سے متعلق سوال کے جواب میں انہوں نے کہا کہ ہم ایران کے ساتھ بات چیت کر رہے ہیں۔

دوسری جانب ایران کی وزارت خارجہ کے ترجمان اسماعیل بقائی نے بیان میں کہا ہے کہ امریکا نے تہران کے چودہ نکاتی منصوبے کا جواب دے دیا ہے جس کا جائزہ لیا جا رہا ہے۔

رپورٹس کے مطابق امریکا اور ایران کے درمیان کشیدگی کے باوجود سفارتی سطح پر رابطوں کا سلسلہ جاری ہے، تاہم مختلف معاملات پر دونوں جانب سے سخت مؤقف بھی سامنے آ رہا ہے۔