ایران جنگ کیخلاف امریکہ میں ریلیاں ، سینیٹربرنی سینڈرز کی صدر ٹرمپ کی پالیسیوں پر تنقید سخت تنقید

ایران کے خلاف ممکنہ جنگ کے خلاف امریکہ میں بڑے پیمانے پر نو کنگ مظاہرے ہوئے، جہاں مختلف شہروں میں ٹرمپ انتظامیہ کے خلاف ریلیاں نکالی گئیں۔

نو کنگ مظاہرے سے خطاب کرتے ہوئے امریکی سینیٹر برنی سینڈرز نے کہا کہ صدر ٹرمپ پوری دنیا کو بحران میں مبتلا کر رہے ہیں اور آج ہمارا پیغام ہے ’نو مور کنگز‘ کیونکہ ہم آمریت اور ایک شخص کے قانون پر قبضے کو قبول نہیں کرتے۔

برنی سینڈرز نے کہا کہ عراق جنگ میں ہم سے جھوٹ بولا گیا اور آج ایران کے خلاف جنگ پر بھی وہی ہو رہا ہے۔ انہوں نے اسرائیلی وزیراعظم کو ایران کے خلاف جنگ کے آغاز کا ذمہ دار قرار دیا اور کہا کہ یہ عالمی قوانین کی سنگین خلاف ورزی ہے۔

انہوں نے غزہ اور ایران میں ہونے والے انسانی نقصان کا ذکر کرتے ہوئے کہا کہ غزہ میں ہزاروں افراد قتل ہو چکے ہیں اور ایران میں دو ہزار شہری مارے جا چکے ہیں۔ برنی سینڈرز نے مطالبہ کیا کہ امریکی ٹیکس دہندگان کے پیسے اسرائیل کو اسلحہ فراہم کرنے پر خرچ نہ ہوں اور ان وسائل کو تعلیم، صحت اور سستے گھروں کی تعمیر پر استعمال کیا جائے۔

میڈیا رپورٹس کے مطابق آج امریکہ کی سڑکوں پر تقریباً 70 لاکھ افراد نے مظاہرے کیے، جبکہ 3 ہزار شہروں میں ریلیاں نکالی گئیں۔ مظاہرین کا پیغام واضح تھا: بادشاہت قبول نہیں۔