امریکہ اور ایران معاہدے کے قریب ہیں ، امریکی نائب صدر جے ڈی وینس 

امریکی نائب صدر جے ڈی وینس نے کہا ہے کہ ایران کے ساتھ ابھی باضابطہ معاہدہ نہیں ہوا، تاہم دونوں ممالک معاہدے کے انتہائی قریب پہنچ چکے ہیں۔

انہوں نے ایک بیان میں کہا کہ امریکہ اس پوزیشن میں ہے کہ تہران کے جوہری پروگرام کو پیچھے دھکیل سکتا ہے۔ ان کے مطابق بات چیت مثبت سمت میں آگے بڑھ رہی ہے۔

اس سے قبل امریکی وزیر خزانہ اسکاٹ بیسنٹ نے کہا تھا کہ صدر ڈونلڈ ٹرمپ نے اپنی واضح حدود مقرر کر دی ہیں۔ ان کے مطابق ایران کو انتہائی افزودہ یورینیئم سے دستبردار ہونا ہوگا اور آبنائے ہرمز کو کھولنا ہوگا۔