ایران جنگ: امریکی وزیر جنگ کا مواخذہ کرنیکی قرارداد ایوان میں پیش

ایوانِ نمائندگان (House of Representatives) میں ایران جنگ کے معاملے پر امریکی وزیرِ دفاع (سیکرٹری آف ڈیفنس) کے مواخذے (Impeachment) کی قرارداد باقاعدہ پیش کر دی گئی ہے۔ قرارداد میں جنگ کی فوری بندش کے ساتھ ساتھ متنازع کاروباری شخص جیفری ایپسٹین سے متعلق تمام بقیہ خفیہ دستاویزات کے فوری افشا اور پبلک کرنے کا سخت مطالبہ بھی کیا گیا ہے۔ تاہم، کشیدہ صورتحال کے پیشِ نظر اسپیکر ایوانِ نمائندگان مائیک جانسن نے ایوان کی کارروائی وقت سے پہلے ہی غیر متوقع طور پر ملتوی اور ختم کر دی۔

ریپبلکن رکنِ کانگریس تھامس میسی نے اسپیکر کے اس اقدام پر شدید برہمی کا اظہار کرتے ہوئے کہا کہ وہ ایران کے ساتھ جنگ کو روکنے اور جیفری ایپسٹین کی متاثرہ خواتین کو انصاف دلانے کے لیے مسلسل جدوجہد کر رہے ہیں، لیکن اسپیکر مائیک جانسن ٹرمپ انتظامیہ کو ایوان میں انصاف کے کٹہرے میں لانے سے مسلسل گریزاں ہیں۔ تھامس میسی کا کہنا تھا کہ “جب ملک جنگ اور معاشی بحران کی آگ میں جل رہا ہے تو ایسے اہم وقت میں ایوان کی کارروائی جلدی کیوں ختم کی جا رہی ہے؟” انہوں نے زور دیا کہ عسکری و اخلاقی بحرانوں پر مفصل بحث کے لیے پارلیمانی کیلنڈر کے مطابق اجلاس کی کارروائی روزانہ کی بنیاد پر بلا تعطل جاری رہنی چاہیے۔