امریکی ایوانِ نمائندگان سے ہوم لینڈ سیکیورٹی فنڈنگ بل منظور، شٹ ڈاؤن کے خاتمے کی راہ ہموار

 امریکی ایوانِ نمائندگان نے ہوم لینڈ سیکیورٹی کے لیے فنڈنگ کا بل منظور کر لیا ہے، جس کے بعد پچھتر روز سے جاری جزوی شٹ ڈاؤن کے خاتمے کی راہ ہموار ہو گئی ہے۔

منظور کیے گئے بل میں ٹرانسپورٹیشن سکیورٹی ایڈمنسٹریشن سمیت اہم سرکاری اداروں کی بحالی شامل ہے، جس کا مقصد تقریباً گیارہ ہفتوں سے جاری تعطل کو ختم کرنا ہے۔ بل کو اب صدر ڈونلڈ ٹرمپ کے دستخط کے لیے بھیج دیا گیا ہے اور توقع ہے کہ وہ جلد اس پر دستخط کر دیں گے۔

یہ پیش رفت کئی ہفتوں تک جاری سیاسی اختلافات کے بعد سامنے آئی ہے، جہاں ریپبلکن جماعت کے اندر اختلافات شدت اختیار کر گئے تھے اور اسپیکر مائیک جانسن کو اپنی ہی جماعت کے معتدل ارکان کی مخالفت کا سامنا کرنا پڑا۔