امریکی فورسز نے ایران جانے والے پاناما پرچم بردار تجارتی جہاز کو روک لیا

امریکی سینٹرل کمانڈ (سینٹ کام) کے مطابق امریکی فورسز نے ایران کی طرف جانے والے پاناما کا پرچم بردار ایک تجارتی جہاز روک لیا ہے۔ سینٹ کام نے بتایا کہ جہاز کے عملے کی جانب سے بار بار دی جانے والی وارننگز کو نظرانداز کرنے پر امریکی بحریہ کے ہیلی کاپٹر نے جہاز کے انجن روم پر دو میزائل داغے۔ بیان میں مزید کہا گیا ہے کہ امریکی فورسز نے 11 اگست تک 55 تجارتی جہازوں کا رخ موڑا ہے اور ایران کے خلاف امریکی ناکہ بندی بدستور مکمل طور پر نافذ العمل ہے تاکہ کسی بھی قسم کی بحری ترسیل کو روکا جا سکے۔