واشنگٹن میں امریکی لڑاکا طیارہ تباہ، پائلٹ محفوظ رہا

امریکی ریاست واشنگٹن میں معمول کی تربیتی پرواز کے دوران ایک لڑاکا طیارہ گر کر تباہ ہوگیا۔

میڈیا رپورٹس کے مطابق امریکی میرین کور کا ایف اے 18 ہارنیٹ طیارہ پہاڑی علاقے میں پرواز کے دوران حادثے کا شکار ہوا۔

غیر ملکی خبر رساں ادارے کے مطابق حادثے سے قبل پائلٹ نے بروقت طیارے سے چھلانگ لگا دی، جس کے باعث وہ محفوظ رہا۔

حکام نے واقعے کے بعد علاقے میں امدادی اور تفتیشی ٹیمیں روانہ کر دیں جبکہ حادثے کی وجوہات جاننے کے لیے تحقیقات کا آغاز کر دیا گیا ہے۔

ابتدائی اطلاعات کے مطابق طیارہ معمول کی تربیتی مشق میں مصروف تھا جب یہ حادثہ پیش آیا۔