امریکا نے روسی تیل کی خرید و فروخت پر پابندیاں مزید ایک مہینے کیلئے ہٹا دیں

امریکہ نے عالمی منڈی میں توانائی کی قیمتوں کو مستحکم رکھنے کے لیے روسی تیل کی خرید و فروخت پر عائد پابندیوں میں مزید ایک ماہ کی توسیع کر دی ہے۔ امریکی محکمہ خزانہ کے مطابق اب 16 مئی تک روس سے تیل کی خریداری بغیر کسی نئی پابندی کے کی جا سکے گی۔

اس نرمی کے لیے ایک اہم شرط یہ رکھی گئی ہے کہ یہ استثنیٰ صرف اس تیل پر لاگو ہوگا جو پہلے سے آئل ٹینکرز پر لدا ہوا اور سمندر میں موجود ہو۔ واشنگٹن کا یہ فیصلہ حالیہ علاقائی تنازعات کے باعث عالمی سطح پر تیل کی سپلائی میں ہونے والی کمی اور قیمتوں میں اضافے کو روکنے کی ایک کوشش ہے۔ تاہم، لائسنس میں واضح کیا گیا ہے کہ ایران، کیوبا اور شمالی کوریا پر عائد پابندیاں بدستور برقرار رہیں گی۔

قابلِ ذکر بات یہ ہے کہ ایک طرف امریکہ کی جانب سے روسی تیل کے لیے رعایت اور دوسری جانب ایران کی جانب سے آبنائے ہرمز (Strait of Hormuz) کو تجارتی جہازوں کے لیے مکمل طور پر کھولنے کے اعلان نے عالمی مارکیٹ پر مثبت اثرات مرتب کیے ہیں، جس کے نتیجے میں خام تیل کی قیمتوں میں نمایاں کمی دیکھی جا رہی ہے۔