آبنائے ہرمزسے گزرنے والےتیل بردارجہازوں کو تحفظ دینے کیلیے تیارنہیں، امریکا

امریکی وزیرِ توانائی کرس رائٹ کا کہنا ہے کہ امریکی بحریہ  آبنائے ہرمز سے گزرنے والے آئل ٹینکرز کو تحفظ فراہم کرنے کے لیے تیار نہیں ہے۔

امریکی خبر رساں ادارے سے گفتگو کرتے ہوئے رائٹ نے کہا کہ آبنائے ہرمز میں تیل بردار بحری جہازوں کو جلد ہی تحفظ فراہم کیا جائے گا لیکن ایسا ابھی نہیں ہو سکتا۔

اُن کا مزید کہنا تھا کہ ہم فی الحال ایسا کرنے کے لیے تیار نہیں ہیں۔ اس وقت ہماری تمام فوجی طاقت ایران کی جارحانہ صلاحیتوں اور ان صنعتوں کو تباہ کرنے پر مرکوز ہیں جو ان کی جارحانہ کارروائیوں کے لیے سازوسامان فراہم کرتی ہیں۔