امریکا کا تیل کمپنیوں کو مزید 92.5 ملین بیرل خام تیل فراہم کرنے کا اعلان

امریکی محکمہ توانائی نے تیل کمپنیوں کو ملک کے اسٹریٹجک پٹرولیم ریزرو سے مزید 92.5 ملین بیرل خام تیل بطور قرض (Exchange) فراہم کرنے کا اعلان کیا ہے۔ یہ تیل ٹیکساس اور لوزیانا میں واقع چار اہم ذخیرہ گاہوں؛ بیاؤ شوکٹاو، برائن ماؤنڈ، بگ ہِل اور ویسٹ ہیک بیری سے حاصل کیا جا سکے گا۔ کمپنیوں کو یہ تیل رواں سال جون سے اگست کے دوران فراہم کیا جائے گا، جسے وہ 2026 سے 2029 کے درمیان واپس کرنے کی پابند ہوں گی۔ یاد رہے کہ اس وقت امریکہ کے پاس تقریباً 398 ملین بیرل تیل موجود ہے، جو عالمی ضرورت کے تقریباً چار دن کے برابر ہے۔ اس اقدام کا مقصد مقامی مارکیٹ میں ایندھن کی قیمتوں کو کنٹرول کرنا اور سپلائی لائن کو مستحکم رکھنا ہے۔