سعودیہ میں امریکی سفارتخانے کا طائف کیلئے سکیورٹی الرٹ جاری

سعودی عرب میں قائم امریکی سفارت خانے نے اپنے شہریوں اور سفارتی عملے کے لیے طائف کے علاقے کے حوالے سے نیا سیکیورٹی الرٹ جاری کر دیا ہے۔ الرٹ میں سرکاری ملازمین کو باقاعدہ ہدایت کی گئی ہے کہ وہ طائف اور ینبع کے علاقوں کا سفر کرنے کے لیے پیشگی خصوصی اجازت حاصل کریں۔ سیکیورٹی الرٹ کے مطابق یہ سفری پابندیاں اور احتیاطی تدابیر سعودی عرب میں حالیہ سیکیورٹی صورتحال کے پیشِ نظر نافذ کی گئی ہیں۔

واضح رہے کہ سیکیورٹی الرٹ کا یہ اقدام یمن کی حوثی ملیشیا کی جانب سے ہفتے کے روز سعودی عرب کے دارالحکومت ریاض کے مرکزی ہوائی اڈے کو ہدف بنا کر کیے گئے حملے کے بعد سامنے آیا ہے، جس کے باعث علاقائی سیکیورٹی اور سفارتی مشنز کی جانب سے حفاظتی اقدامات مزید سخت کر دیے گئے ہیں۔